Chapter 62
KRYST
Masamang tingin ang ibinaling ko sa kanya. Yung pagkikita namin sa airport at pagsira niya sa phone ko pinalampas ko, pero yung trato niya sa akin ngayon? Aba! Baka magsuntukan pa kami.
"What?" singhal niya na bahagyang kinagulat ko. T*rantado 'to.
"Kahit naman ikaw ang may-ari ng building na ito, hindi naman ata tama na paalisin mo ako," saad ko, at kahit hirap akong salubungin ang mga mata niya ay ginawa ko pa rin.
Hindi naman na ako magtataka na siya ang may-ari ng building na ito, dahil nga isa siyang Winchester. Lahat siguro sa kanya ay nabibili ng pera, kaya lang kasi ang magandang pag-uugali ay hindi nabibili kaya siguro wala siya no'n. Sobrang gaspang ng ugali. Ang sama pa makatingin. Hindi ko naman siya inaano!
Nanatiling madilim ang mga mata niya na pa
