Chapter 41
Naging malamig ang trato sa akin ni Creed kinaumagahan. Hindi na lang ako umimik dahil baka mas lalo lang kaming magtalo. Mamaya na rin ang launching kaya naman hindi na ako umangal pa sa kung anong trato niya sa akin. Napapagod na rin akong pakisamahan siya. Gusto ko na lang matapos ang lahat.
Nandito ulit ako sa office ni Seah dahil kung mananatili ako sa mansyon ni Creed ay baka mas mabaliw pa ako. Sobrang sakit ng puso ko na tila ba paulit-ulit itong dinudurog. Wala akong karapatang magalit sa nakita ko dahil una sa lahat ang tingin lang sa akin ni Creed ay isang bayaran. Nakita ko na rin kung ano ang laman ng flashdrive na binigay sa akin ni Seah, katulad ng nakita kong mga pictures at video ay gano'n din ito.
Mas malinaw na sa akin ngayon na may relasyon silang dalawa
