Pasimpleng pinagmamasdan ni Vera ang Mommy ni Grant na ngayon ay masayang nakikipagkwentuhan sa dalawang lalaki na kaharap nito sa VIP table.
Mabuti na lang at siya ang kinuhang kapalit ng isa sa mga waitress na nahilo kanina na kasalukuyang nasa clinic. Sa gayon ay hindi niya na kailangan pang magdahilan para makalapit sa Mommy ni Grant.
Hindi niya sigurado kung ano ang gusto niyang alamin kung bakit niya nararamdaman iyon. Pero sigurado siya na kailangan niyang makumpirma kung tama ba ang mga narinig niya kanina.
At kung totoo man ang pagkakaintindi niya sa totoong pagkatao ng nobyo ay gusto niyang malaman kung bakit inilihim nito iyon sa kanya.
Nakita niya si Kakai na tinawag ng isa sa mga kausap ng Mommy ni Grant at mukhang may iniuutos rito.
Nang bumalik ang kaibigan ay pasimple
