Four years later…
***
“Nay, nandito na po ako,” sigaw ni Vera pagkatapos buksan ang nakasaradong pintuan ng bahay. Weekend ngayon pero kinailangan niyang dumaan sa opisina para tapusin ang monthly report ng isang kumpanya na hawak niya.
Tatlong taon na ang nakalipas mula nang bumalik siya sa pag-aaral sa kolehiyo at pagkatapos ng isang taon ay naka-graduate na rin sa kursong Accountancy.
Ngayon ay board passer na siya at isa nang ganap na CPA at kasalukuyang empleyado ng isa sa mga malalaking Accountant Firm sa lalawigan ng San Lorenzo.
Hindi niya alam kung alin sa mga dahilan niya ang pinaniwalaan ng kanyang ina para mapapayag ito na lumipat sila sa bayan na iyon kung saan wala silang kamag-anak o kakilala man lang.
Gulong gulo siya ng mga panahong iyon at natatakot na malaman
