Lhira POV
Naka-uwi na kami sa bahay pero ang pinag-usapan pa din namin ni Thea ang patuloy na gumugulo sa isip ko. Nang tanungin niya ako kung gusto ko ba si Miguel ay tumanggi ako. Hindi ko rin alam kung bakit may bahagi ng isip kong nagsasabing nagsisinungaling lang ako. Ngunit ang isa ko pang pinagtataka ay wala rin naman daw siyang pagtingin dito. Pero bakit siya pumayag na magpakasal silang dalawa? Ano ang malalim na dahilan ni Tito Raymond? At bakit niya nasabi sa akin na pwedeng kunin ni Papa ang kompanya sa kanila?
Hindi ako naniniwalang kayang gawin yun ni Papa. Kahit may tampo siya kay Tito Raymond hindi niya magagawa yun sa kanyang kapatid. At hindi rin ako papayag na umabot si Papa sa ganong kasamang bagay.
Ngunit ang higit na inaalala ko ay si Miguel. Hindi ko maiwasan
