Habang nandito ako sa kuwarto ay naririnig ko na malakas na nagtatawanan ang mga magkakaibigan kaya naman napilitan akong lumabas para pasimpleng sumilip.
Kumunot ang noo ko nang makita ko na sina Asher, Huxley at Lionel lang ang nagtatawanan dahil hindi ko nakita si Revas.
Inilibot ko ang paningin ko sa paligid pero hindi ko talaga nakita kahit na anino ng lalaking ‘yon.
“Ana!” tawag sa akin ni Asher ng mapansin ako nito na nakatayo sa tapat ng lababo habang nagmamasid sa kanila.
Sinenyasan ako ni Asher na lumapit daw ako kaya naman dahan-dahan din akong lumapit sa kinaroroonan ng tatlo.
“Umiinom ka ba?” Napatingin ako sa beer na iniinom nila. Nakatikim na ako ng ganoon dati at masasabi ko na medyo ayos naman ang lasa. “Gusto mo ba?” Hindi pa man ako sumasagot ay hinatak na ako n
