Suka ako nang suka kagabi dahil sa amoy ni Revas.
Pinunasan ko na siya't lahat-lahat pero hindi pa rin talaga nawala ang amoy ng alak sa bibig niya.
Amoy alak pa rin talaga. Kung kaya ko lang siyang dalhin sa banyo para paliguan ay baka pinaliguan ko na siya kagabi habang tulog siya.
Sa tuwing lumalapit ako sa kaniya ay nasusuka ako kaya naman napagdesisyunan ko na sa duyan na lang matulog.
Sa sobrang kalasingan niya ay hindi niya man lang nalaman na hindi kami magkatabi magdamag.
Hindi nakakatulog si Revas ng hindi ako katabi pero kagabi, sobrang sarap ng tulog niya. Hindi niya ramdam na wala ako sa tabi niya dahil sobrang lango siya sa alak.
Sa awa ng Diyos ay nakatulog naman ako ng mahimbing dito sa duyan.
Imbes na si Revas ang katabi ko ay si Miro ang katabi ko magdamag. Nang
