Kahit wala na sina Aling Belen, Renelyn at Reynold ay hindi pa rin maipinta ang mukha ni Revas kaya naman niyakap ko na siya.
“Sila ang dahilan kaya ka sumugod dito kahapon, ‘di ba?” tanong niya sa akin pagkuwan.
“Hindi, ah,” tanggi ko. “Na-miss lang kita kaya ako sumunod dito.”
“You're lying.”
“Totoo nga!” giit ko pa rin. Hindi ako nag-aangat ng tingin dahil siguradong mahahalata ni Revas na nagsisinungaling ako.
“May nakakita sa inyo ni Belen kahapon habang nag-usap kayo sa bahay,” pagtatapat ni Revas. “Dinalhan ka raw ng pagkain ng babaeng ‘yon at sinabing lasing na lasing na ako kaya hindi ako makakauwi. 'Yon ba ang dahilan kaya sumugod ka rito kahit may sakit ka?”
Bumitiw ako mula sa pagkakayakap kay Revas dahil itinuloy ko na ang pagbabalat ng mais na ginagawa ko kanina para
