Pag-uwi ko sa bahay ay halos nakasunod lang sa akin si Revas. Salubong ang mga kilay niya kaya tinaasan ko siya ng kilay.
Ano kaya ang nangyari sa panonood niya kay Renelyn kanina? May nangyari kaya sa kanilang dalawa?
“Saan ka galing?” salubong ang kilay na tanong sa akin ni Revas. “Ang hilig mong talagang lumayas ng hindi man lang nagsasabi!”
Mataman lang akong nakatitig sa kaniya habang kumakain ng duhat na nilagyan ko ng asin. Inilagay ko iyon sa isang tupperware at inalog-alog. “Umakyat ka sa puno ng duhat?”
“Hindi.”
“Sino’ng kumuha niyan?”
“Si Reynold,” matipid kong sagot.
“Reynold? ‘Yong pinsan ni Renelyn?”
“Yeah,” tamad kong sagot. “Bakit?”
Tumawa siya ng sarkastiko. Mayamaya pa ay nakita ko sina Reynold at Renelyn na magkasama habang naglalakad ang dalawa.
Kumunot ang
