Naglalakad na kami pauwi ni Reynold at sa maikling panahon na magkasama kami at magkausap ay marami akong natutunan sa kaniya.
Alam ko talagang mabuti siyang tao base sa pananalita niya. May kayabangan siya sa katawan pero hindi ka maiinis dahil nakakatawa siyang magkuwento pati na rin ang facial expression niya.
Nagtataka siya kung bakit puro tungkol sa pagbubuntis ang topic namin habang naglalakad kami pauwi kaya sinabi ko na lang sa kaniya na buntis kasi ang Ate ko kaya magkakaroon na ako ng pamangkin.
Sabi niya sa akin, sabihin ko raw sa Ate ko na ‘wag siyang magpupuyat. Iwasan rin daw ang mga pagkain na maalat para hindi siya magkaroon ng infection sa ihi.
Kumain daw ng mga gulay at prutas para healthy ang baby. 'Yong Ate ko naman daw ay sabihan ko na uminom ng gatas na pambunt
