PUMAYAG naman daw si Asher na sa bahay na ni James magpalipas ng gabi si Alex kaya doon na siya natulog. Natuloy naman ang pagsa-shower nila nang sabay kahit inistorbo sila ng pinsan nito dahil sa pusa.
Pinuntahan ito sandali ni James para kunin sa ilalim ng kama ni Asher. Ayaw kasing pumayag ng mga kaibigan ntio na sila ang gagawa. May rules daw kasi sa Ride and Fall na, ‘Alaga mo, Responsibilidad mo’. Doon nalaman ni Alex na mahilig pala sa Puspin cat ang fiancé niya. At halos lahat ng pusang gala naliligaw sa riding club ay kinukupkop nito. Iyon pala ang mga pusa na pinakain niya kagabi sa kubo.
Ang ipinagtataka lang ni Alex, na kung talagang mahilig sa puso si James, bakit kahit isang pusa sa mansiyon nito sa Taguig ay wala siyang makita?
Pagkatapos nilang kumain ng hapunan na in-or
