MABILIS na bumaba ng sasakyan si Alex nang masiguro niyang si James nga ang nakita niya na sakay ng kabayo. Hindi na niya hinintay na pagbuksan siya ni Mang Jopoy dahil kahit ito man ay parang nagulat din na nakita nito ang amo na may kasamang ibang babae.
“W-what are you doing here?” nauutal na tanong ni James sa kaniya nang makabawi ito sa pagkabigla. Pero lumipad ang tingin nito sa driver na bumaba na rin pala ng sasakyan. “What’s the meaning of this, Mang Jopoy? Hindi ba’t sinabi ko na sa inyo na huwag n’yong ipagsabi kung nasaan ako ngayon? Lalo na sa kaniya?”
“Hindi mo kailangang pagalitan si Mang Jopoy,” saway ni Alex sa binata. “Ako ang pumilit sa kaniya na dalhin ako dito. Two days ka na kasing hindi nagpaparamdam. Halos mapudpod na ang mga daliri ko sa ka-te-text at katatawag s
