DALAWANG araw na ang lumipas simula nang halikan siya sa pisngi ni James. Pero hanggang ngayon ay natutulala pa rin si Alex sa tuwing naalala niya iyon. Hindi niya maintindihan kung bakit siya nito hinalikan kung totoong galit ito kay Charlotte.
Ngunit pinagsisihan yata iyon ni James.
Pagkatapos kasi siya nitong halikan ay umalis na ito at pumasok na sa opisina nang hindi kumakain. Simula noon ay hindi na ito umuwi. Ang sabi ni Manang Lily, nasa ouf-of-town daw para sa isang business conference. Kahit alam naman ng dalaga na wala siyang karapatan, hindi niya mapigilan na magtampo dahil hindi man lang ito nagpaalam sa kaniya.
Gayon man ay malakas ang kutob ni Alex na hindi totoong nasa out-of-town ang binata. Baka ayaw lang talaga nitong umuwi muna para iwasan siya. Hindi kasi ito sumasa
