HINDI akalain ni Alex na mag-e-enjoy siya sa company ni Lucas katulad ng pag-e-enjoy niya sa tuwing kasama niya si James. Siguro dahil halos magkaugali ang mga ito. May pagka-unpredictable lang minsan ang fiancé niya.
“Ano nga pala iyong sinabi mo kay Noah kanina na tungkol sa usapan n’yo ni James? Kung okay lang…” hindi napigilan na tanong ng dalaga habang nagpapahinga na sila sa lilim.
Katatapos nilang nitong makipag-karerahan kina Makisig at Nicolas. At talaga nga naman na exceptional ang galing nito sa pangangabayo. Dahil nilamon lang ng alikabok ang mga kaibigan nito. Bumalik na lang tuloy sa camp site para magpahinga at maligo.
Umiling ito na may ngiti pa sa mga labi. “Okay lang naman. Pero mas okay kung huwag mo nang alamin…”
“Bakit naman?”
“Dahil malalaman mo rin naman pagda
