“HUWAG mo nang hanapin si Mang Jopoy. Pinabalik na siya ng Taguig ni James,” sabi ng lalaking Liam Asher pala ang pangalan nang tanungin ni Alex kung kilala ba nito ang driver ng fiancé niya. “Bakit mo ba siya hinahanap? Akala ko baa yaw mong bumalik muna ng Taguig?” Gumuhit ang kuryosidad sa guwapong mukha nito.
Hindi napigilan ng dalaga na himasin ang tiyan niyang kanina pa humihilab. “Nagugutom na kasi ako. Nasa sasakyan namin ang mga pagkain na binili ko kanina.”
“Iyon lang pala, eh. Bakit hindi mo sinabi agad?” Tinapik siya nito nang marahan sa kamay. “Halika. Tamang-tama at hindi pa rin ako kumakain ng lunch. Kung gusto mo, sumama ka na lang sa’kin sa resto. French food ang menu ngayon ni Chef.”
Gusto sanang um-oo ni Alex dahil gutom na talaga siya. Pero kung sa restaurant sila pu
