MASAKIT ang ulo ni Alex nang magising siya kinabukasan. Kumakalam din ang sikmura niya. Wala pa siya gaanong maalala bukod sa nakipag-inuman siya kina James at nakipaglaro ng spin the bottle.
Dahan-dahan na iminulat ng dalaga ang mga mata niya. Bumungad sa paningin niya ang kisame na hindi gaanong pamilyar sa kaniya. Napabalikwas siya ng bangon at luminga sa paligid. Saka lang niya napagtantong nasa kuwarto siya na ipinahiram sa kaniya ni Asher.
“Pero paano ako nakarating dito?” nagtatakang tanong ni Alex sa sarili habang kinakapkapan ang sarili.
Kasi kung nalasing talaga siya kagabi, imposibleng kinaya niyang pumasok dito nang mag-isa. She knows herself very well. Dapat ay nasa sofa lang siya ngayon, kung saan siya bumagsak kagabi dahil sa sobrang kalasingan.
Pero na-relieve si Alex
