Kaliwa't kanan ang problemang kinakaharap ni Kaleb bilang presidente. Hindi niya maiwasang lumabas ng bansa upang makipag-ugnayan at makiisa sa kung ano man ang makakabuti sa sariling bayan. Wala mang karanasan sa ganitong trabaho si Kaleb, marahil ay nasa dugo nila ang pagiging politiko.
Pagod na pagod si Kaleb, hindi pa nga nakakalipad pabalik ng bansa ang eroplano ay bagong problema na naman siyang haharapin. Isang malaking aksidente ang nangyari sa isang probinsya kung saan isang container van ang na-recover na naglalaman ng mga ipinagbabawal na gamot.
Bumuntong-hininga si Kaleb, hindi niya alam paano malilipol o susugpuin ang mga ganitong bagay na napakahirap kontrolin lalo pa kung may mga lider ng bansa na nagbibigay ng proteksyon dito.
Biglang naalala ni Kaleb ang kapatid. Bigla
