Ilang sandaling tumitig ang Ninong Dwight ni Saraya sa kanya matapos niyang sabihin dito kung pwede niya ba itong maging boyfriend.
“Saraya, hindi mo alam ang sinasabi mo,” kunot noong sita nito sa kanya at agad na nagpatuloy sa panenermon sa kanya. “Ninong mo ako. Hindi mo ako pwedeng maging boyfriend,” kunot na kunot ang noong pagpapatuloy nito bago hinila ang comforter at saka tinakip sa mga binti niya.
“Bakit naman hindi pwedeng maging boyfriend ang Ninong?” hindi pa rin makaintindi na tanong niya. Naglapat ang mga labi ng Ninong niya at saka iritadong nagpaliwanag sa kanya.
“Dahil bawal ‘yon, Saraya. Gusto mo bang multuhin ako ng Papa mo kapag pumayag ako na maging boyfriend mo?” reklamo nito. “Tsaka, ano ba ‘yang pumapasok sa isip mo? Hindi ba sinabi ko na sa’yo na bawal ka pang m
