"Are you okay?" tanong ni Jacob sa akin.
Pilit akong ngumiti. "Yes."
Kiniskis ko ang palad ko upang mawala ang panlalamig ng kamay ko.
"Kung hindi ka pa handa 'wag mo na tayong pumunta."
Umiling ako. "Ilang araw ko ng pinag-isipan ang bagay na ito. Ngayon ay handa na ako."
"Okay." Sumenyas siya sa bodyguard niya kaya nauna itong lumabas ng sasakyan bago kami lumabas. Hinawakan niya ang kamay ko at pagkatapos ay pumasok kami sa loob ng ospital. Naglalakad kami sa hallway ng ospital kung saan naka-confined si Amelia. Gusto kong makita ang kalagayan niya ngayon. Ang sabi ni Jacob ay baliw na si Amelia. Gusto kong makita kung totoo ang sinabi niya sa akin.
Huminto kami sa isang silid at may kinausap si Jacob. Isang minuto lang ang lumipas ay pinapasok na kami sa loob. May dalawang pulis
