HOMBRES ROMANTICOS SERIES 5:
ALARIC AEGE ALKAIDE
UNTAMED
Kabanata 17
AGARANG ISINUGOD SA Evariste International Hospital si Donya Agatha. Bigla kasi itong nahirapang huminga nang hindi sinasadyang marinig nito ang munting pagtatalo ni Alaric at Saoirse sa porch ng mansion.
Inawat at sinuway lang naman ni Saoirse ang binata nang basta na lamang tumawag ng guwardiya kanina si Alaric at inutusan ang mga ito na kaladkarin palabas ng mansion ang walang kamuwang–muwang na si Director Gregory Manus. Nabigwasan ito ng kamaong bakal ni Alaric. Lumipad pa ito mula London papuntang Pinas upang sundan si Saoirse at anyayahan siyang samahan ito sa short vacation nito sa isang matunog na nude–friendly beach resort —ang Hydrus Haven.
Ni hindi nito binigyan ng pagkakataon si Saoirse na magpaliwanag
