HOMBRES ROMANTICOS SERIES 5:
ALARIC AEGE ALKAIDE
UNTAMED
Kabanata 18
NAGNGINGITNGIT ANG kalooban ni Saoirse habang sinusundan ng matalim na tingin ang pulang kotse ni Callista na ngayon ay palabas na ng gate. Sa kanyang isip ay makailang beses nang sinalo ni Callista ang lahat ng malulupit na stunts na nagawa niya sa tanang buhay niya. Sa isip niya ay nag-aagaw-buhay na ito. Sumusulak ang dugo niya matapos ang pag-uusap nila ni Callista at wala siyang balak na itago ang totoong nararamdaman ngayon.
Sa mabibigat na hakbang ay nakarating si Saoirse sa bar area ng mansion ng mga Alkaide. Hindi na siya nagsayang ng oras at basta na lamang kinuha ang boteng higit na kumuha sa atensiyon niya.
Isa iyong Scotch whiskey. Kapagkuwan ay kumuha rin siya ng whiskey glass at soda water na ipangha
