"Ano ba 'yan! Mukhang hindi pa matutuloy ang palabas!"
Inis na lumapit sa amin si Maggie dahilan para maputol ang masamang tingin sa'kin ni Treece.
"B-Bakit Maggie?" Pagkausap ko rito. Hanggang sa mga oras na iyon ay ramdam ko ang kabang idinulot ng banta ni Treece.
Kung malalaman lamang siguro nito na hindi ako ang asawa niya ay siya na siguro ang mismong magtataboy sa'kin, palayo sa bahay niya at palayo sa buhay niya. Malayo sa banta nitong sapilitan akong itatali at ikukulong para lamang huwag siyang matakasan.
"Iyon kasing mananayaw na sentro ng palabas bigla raw sumama ang pakiramdam. Hindi tuloy sigurado kung matutuloy ngayon ang palabas o ipapagpabukas na lang. Eh paano kung hindi pa rin gumaling iyon bukas? Edi hindi na matutuloy ang taunang pagtatanghal! Ang tagal-tagal ko pa
