Hulas at nanggigitata sa sariling pawis. Iyan ako habang nakaupo sa gitna ng studio matapos kung lagariin ang mga piraso ng kahoy na gagamitin para sa disenyo ng set sa nalalapit naming palabas. Isang linggo na lamang at magsisimula na iyon. Ramdam kong ginigipit kami ng management sa pagbibigay ng maiksing panahon para sa preparasyon ng show. Pinag-iinitan talaga ako ng mga ulupong na iyon. Akala naman nila magpapatalo ako.
Neknek nila!
Maglupasay sila ngayong halos lahat ng kailangan sa proyekto ay tapos na namin. Lahat maliban sa isa....
Wala pa kaming kusinero!
Anong silbi ng isang cooking show kung wala ang mismong taga-luto? Showta dis.
Mahigit isang linggo ko ng pinagpupuyatan, pinagpapaguran at pinagtutuunan ng buong atensyon ang proyektong ito. Maaga akong pumapasok sa opisi
