Hindi ko na mabilang kung ilang beses kong kinurot ang sarili kong daliri sa nakapatong kong hita para lamang mabawasan ang kabang nararamdaman ko habang kaharap ang key personnels ng W&W Network. Sa tabi ko ay tahimik na nakaupo si Treece. Hindi siya sumasali sa usapan kahit mainit na ang diskusiyon.
"How come that the allegation is bogus? We all know Mr. Devaughn, he is a very rich and powerful man. He woul'nt just spit a bomb to his own name," sarkastikong pahayag ni Mr. Clarkson. Siya ang first vice president for news and public affairs.
Lumunok muna ako ng dalawang beses bago sumagot.
"As I have said sir, I have nothing to do with Mr. Devaughn. Hindi ko ho siya personal na kilala kaya hindi ko rin alam kung anong tumakbo sa isip niya at nagawa niyang kaladkarin ang pangalan ko sa i
