AGAD niyang pinuntahan si Jen sa silid nito ng makarating siya. Ang alam nito ay galing siya sa seminar. Naglalaro ito sa laptop nito habang nakadapa sa kama. Malapit na itong makapagtapos pero tila wala itong plano sa buhay... Akala niya noon ay matututo na ito sa buhay dahil nagkaroon na ito ng inpirasyon. Hindi kaila kasi sa kanya na may noybyo ito pero hindi pa rin. Daig pa nito ang nagpapalit ng damit kung magpalit ng boyfriend. Tumikhim siya para maagaw ang atensiyon nito. Busy na naman ito sa social media.
“Hi, ate!” wika nito bago lumambitin sa kanya at humalik sa pisngi na parang bata. “Bakit ka ginabi? Kanina pa kita hinihintay. Akala ko hapon ang flight mo. Dapat kasi nagpasundo ka nalang sa amin ni Mang Vener,” usisa nitong tinitigan siya. Nagyaya pa kasi si Kiel na kumain sil
