النداهة

الحلقه الثانيه من روايه النداهة♥

اخرج هاتفه المحمول وقال: لا انا هسجل افضل.

بدأت في وصف النداهه وهي تقول: بص يا سيدي النداهة دي تعتبر زوجه الشيطان، بتخرج للناس من المناطق الزراعيه او عند الترعه ومناطق تجمع المايه، بتجذب الرجالة بصوتها الجميل تقريباً بيبقى اجمل صوت ممكن تسمعه في حياتك، و

قاطعها كريم بتساؤل: زي صوتك كده.

رفعت احدى حاجبيها، وقالت وهي تمقته بق*ف: بس يا حماده خليني اكمل.

ضحك كريم لتكمل هي: ممكن تظهرلك اكتر من مره، بس ادام ظهرتلك تبقى هي كده وقعت في غرامك، واختارتك عشان تتجوزك وتاخدك معاها للعالم السفلي، لو رفضت بتقتلك عشان مينفعش تكون شوفت العالم ده وتفضل عايش، انما بقى لو وافقت ف انت كده كده هتموت يابرنس ليه، عشان هتشوف غيرك، نيجي بقى لشكل النداهة وازاي هي بتظهر للناس، نداهة هانم دي عيونها بتبقي بالطول شبه عيون التعبان كده، وحوالين رقبتها فيه عقد مكون من تعبانين بياكلوا ف بعض، انما شعرها ف بيبقي احمر ووشها تحس انه بيشع ضوء، وهي ماشيه مابتكونش لامسه الارض لمقاومتها القليله للجازبيه، بتظهر للناس ازاي بتكون علي شكل بنت صغيرة جميله جداً، او بنت كبيره شكلها يسحرك من جماله، وممكن تظهرلك على شكل حد من صحابك او حد من قرايبك او حد انت محتاجه زيي كده.

نظر لها كريم برعب لتضحك هي وتقول: متخفش هي لو ظهرتلك مش هتد*ك فرصه تبصلها اصلا، نكمل بقي النداهة دي اسمها بيختلف من بلد للتانيه، في مصر بنقول عليها النداهة، انما المغرب بيقولوا عليها عائشه قنديشه وفي الامارات موجوده ب اسم ام دويس لان كان فيه منجل موجود ف ايديها والمنجل عندهم اسمه دويس، وفي اليونان بيقولوا عليها سرينات ومعناه عروسه البحر لانها عادتاً بتظهرلهم علي الشط.

تحدث كريم وهو ينظر لها بتركيز: ايه الحوادث المشهورة هنا بسببها طيب.

ضحكت بشدة وقالت: لا مهو النداهة اللي هنا طيبه وبتقطع على الباقي، تقريباً كده مش عاوزا تتجوز الشيطان، انما في بلاد تانيه جمبنا بسمع عنها حكاوي كتير وفيه ليها كام حكايه مشهورة كده، مثلاً انها خرجت لواحد ولما قاومها وحط ايده على ودانه وجري، جاله حاله صرع ومات بسببها وفيه رجاله لغايه دلوقتي محبوسة في بيوتها خوفا من النداهة ولا بتخرج بليل ولا بالنهار، انما في بلد تانيه ف كان فيه كام ست بيملوا مايه من البير، و واحده منهم قالت هتروح بدري ولما الست دي مشيت بعدها بشويه رجعت تاني بحجه ان المايه اتكبت منها، فضلت ماشيه معاهم ودخلتهم في طريق غير طريقهم، واحده منهم فاقت من الغيبوبة اللي كانت عملاهلهم النداهة وقعدت تزعق لغايه ما الست دي اختفت ولما روحوا بيسألوا صاحبتهم قالت انها مرجعتش اصلا.

اغلق كريم هاتفه ثم وضعه بجيب بنطاله، وسألها ببرود: عندك حاجه تاني هتقوليها.

تشنجت مما قال، وكادت تجيب لولا انها رأت احد تعرفه جيداً، ف**تت ونظرت امامها بهدوء لعلهُ يذهب، ولاكن ظل واقفاً كما كان ينظر لهم فقط، فقامت وقالت لكريم بهدوء: قوم روح دلوقتي، وحاول متجيش هنا بليل.

قام هو الاخر وحرك يداه في الهواء بتعب، ثم نظر لها وقال وهو يحمل الحقيبة التي يضع بها الكاميرا: بكره المغرب هستناكي هنا.

حركت رأسها برفض وقالت بعيون راجيه: لو سمحت متجيش، لو خايف على نفسك بلاش تيجي.

لوى شفتيه بعدم فهم وقال: بخاف علي نفسي بس لسه فيه حجات كتير عاوز اعرفها منك، متنسيش يا جميله انتي بكره المغرب هجيلك.

حركت رأسها بهدوء، ثم اتجهت إلي الحقل مجدداً، وذهب كريم من حيث اتى..

~~~♡~~~

كان حازم (والد كريم) يقف في المنتصف بين ولاء و لُبنى، ويحاول ان يسكت تلك ويهدئ من تلك، بينما كان عادل (ش*يق كريم) يجلس على الأريكه وبيده طبق من الفشار يأكل به بكل برود، لتقول ولاء وهي تنظر لها بق*ف: انا اساساً مش عارفه ابني اتجوزك على خيبه ايه.

ضحكت لُبنى بسخرية وقالت: تصدقي ولا انا اعرف خلفتيه ازاي، وازاي اصلا حازم اتجوزك.

صاحت بها ولاء قائله: بيحبني ياقلب امك.

حرك حازم رأسه مؤيداً لما قالت وهو يقول: حصل.

تحدث عادل وهو يضع الفشار بفمة ويشاور لهم بيده: بعد ازنكم بس لو مش هنقطع حلقه كل يوم من برنامج انا وحماتي ده، اتاخروا كده عشان سبونج بوب هيبدأ.

نظر حازم على التلفاز وقال وهو يذهب ليجلس بجوار ولده: ونبي آأُختي انزاحي كده شويه بس، وانت يا دوله اطلع واحده لفوق هتلاقي وُدي وباظ ياطير هاته.

حرك عادل رأسه برفض وقال: لا هنتف*ج علي سبونج بوب.

خرج ذلك الطفل الصغير من غرفته ب**ت، واخذ الروموت من يد والده، ثم قال بعدما جلس بين عادل وحازم: بعد ازنك بس ياجدتي عاوز اتف*ج.

تحركت ولاء وتبعتها لُبنى، فغير "مالك" القناه وجلس بكل هدوء يتابع فيلم قديم لفريد الاطرش وشاديه، ليقول حازم بتعجب: يا ساتر يارب،، الواد ده طالع عاقل كده لمين.

حرك عادل شفتيه بعدم علم، ونظر الي والدته وزوجته وقال: هو برنامج انا وحماتي خلص بدري ليه النهارده.

نظرت ولاء الي لُبنى وقالت وهي تقف: فكرتني صح.

صرخ عليهم مالك وقال: بطلوا دوشة بقى عاوز اسمع.

تراجع الجميع عما كانوا سوف يفعلون، خوفاً من ذلك الصغير ليقول كريم بعدما وقف واخذ مفاتيح الدراجة النارية الخاصه به ثم قال: انتوا هتزعقولي من اولها، انا هروح اسمع سبونج بوب عند عم عبده (صاحب القهوه).

وقف حازم وقال: خدني معاك.

ذهبت الرجال لتقول لبنى: وانا هقوم اطمن على صديقي الصدوق الواد كيمو وبعدها هعمل ماسك.

بقي كلاً من ولاء ومالك لتنظر ولاء الي مالك وتقول: بس بس.

زفر مالك بغضب وقال وهو ينظر الي التلفاز: انسي يا ولاء مفيش جمالك وصحتك ولا رضوى الشربيني ولا برامج طبخ انا هتف*ج على الفيلم.

لوت شفتيها بحنق وقالت: يقلب امك يابني مكنتش عاوزا اعمل كده اكمنك ابن ابني وطفل عنده سبع سنين، بس سامحني بقي رضوى الشربيني بتناديني.

ثم مسكته من ثيابه وعلقته في مسمار في الحائط، ثم نظرت لهو بشماته: يحسره قلبي عليك بقيت شبه الفار.

ربع يداه بتذمر واخذ ينظر لها، بينما هي جلست مكانه ووضعت قدمها اعلي الاريكه وحولت القناه، ليقول مالك بق*ف: عملالي فيها صغيره علي الحب وبتسمعلي رضوى الشربيني، وهي اصلا اللي قدها ماتوا من سنه تسعين.

هتفت بصوتٍ عاليٍ: سمعتك يابت لُبنى.

هتفت لبنى من الداخل: بتندهي يا ماما.

" لا يا حبيبتي"

كان هذا رد ولاء عليها قبل ان تعاود النظر الي التلفاز مجدداً

~~♡~~

استدعى ولهان تيتانيا، فأتت لهو بملامح بارده؛ ليقول بضيق: تيتانيا بلاش البرود ده معايا، انتي عارفه كويس اوي اني بحبك.

خرجت من بين شفتيها ابتسامه ساخره وقالت: بتحب مين يا لولو انت.

نفخ ولهان بضيق وقال بتحذير : انا قولت اتعامل معاكي بهدوء، بس يظهر ان الهدوء مش نافع معاكي.

ردت عليه ساخره وهي تقول: ايه يا روح بابا هتشتكيني ليه تاني ولا ايه..

تحولت ملامحها الي ملامح غاضبة وقالت بتحذير: اسمعني كويس يا ولهان، لو قربت من كريم ولا جيت في حته هو فيها، بص مش هقولك هعمل فيك ايه هسيبلك عقلك ده يتخيل دا أن كنت بتعرف تتخيل اصلا او عندك عقل، وده مش مجرد كلام خلي حد بس يفكر انه يقرب منه وشوف هعمل فيكم ايه.

ثم استدارت لتذهب ولاكنه قال قبل خروجها: ادام بتحبيه اوي كده ليه مجبتيهوش هنا واتجوزتيه.

نظرت بجوارها دون النظر اليه وقالت: هقولك ولو إن ملكش فيه بس هقولهالك تاني يا ولهان، كريم انسان نضيف مينفعش يجي في مكان زي ده، ولا يستحق الموت.

اقترب منها رويداً رويداً وقال بعدما وقف امامها: لو مقتلتيهوش لوسيفير هيقتلك، لانك كده مش مخلصه ليه وانتي اكيد عارفه كده.

اغمضت عيونها بألم وقالت: يقتلني، المهم محدش يقرب من كريم، هو ما يستاهلش كده.

ابتسم بهدوء ونظر لها بحب صادق وقلب ممزق وقال: للدرجه دي بتحبيه.

ابتسمت بحب وقالت: واكتر يا ولهان.

تنفس ولهان بهدوء وقال: لو قولتلك اني هساعدك، هساعدك لاني بحبك، ومقدرش اشوفك زعلانه لانه مات، حتي لو هقف قصاد بابا وانتي عارفه اني بخاف منه جدا، بس هعمل كده عشانك.

اتسعت ابتسامتها بعدم تصديق ونظرت لهو بعيون تلتمع من كثره الفرحه وقالت: بجد يا ولهان.

حرك رأسه وقال مودعاً اياها: بجد، تقدري دلوقتي تروحي علي اوضتك، وانا هروح ل لوسيفير واقوله اني مش عاوز اتجوزك..

حركت رأسها بفرح وذهبت سريعاً، ليتن*د ولهان وقرر ان يذهب إلي والده ليخبره انه لم يعد يرغب بالزواج من تيتانيا، وانه يحب فتاه اخرى ولاكنه غير مستعد للزواج منها في ذلك الوقت.

دخل لهو بهدوء وقال وهو ينظر إلي الاسفل خوفاً من النظر اليه: كُنت اود ان أخبرك بشيء ما.

وضع لوسيفير يداه خلف ظهره ونظر لهو بشك، ف ولهان يخشى الاقتراب من تلك الغرفه، ليقول بهدوء وهو يتابع ملامح وجهه: تحدث.

رفع نظره لوالده وقال: كنت اود ان أخبرك انني لم اعد ارغب بالزواج من تيتانيا، فأنا احب اخرى.

قال بملامح لا تظهر اي رده فعل سوى البرود: منذ متى

تحرك حوله بهدوء جعل ولهان يتوتر وهو يقول: منذ ما يقارب النصف عام، تيتانيا لا تشبهني ولا تحبني، وكما قُلت لك لم ارغب بها قبل.

قاطعه لوسيفير وقال وهو ينظر لهو جيداً: لم اقل لك منذ متى وانت تحب الاخرى، بل منذ متى وانت تكذب ولهان، فهذه ليست عادتك.

نظر ولهان لهو بصدمه فكيف علم انه يكذب وقال: لم اكذب قط، فأنا اقول لك الحقيقه.

جلس لوسيفير وقال: والان انت تكذب ولهان، لن اعاقبك تلك المره فقط اذهب حيث جئت، قبل ان اغضب.

لم يعلم ولهان من اين جائت لهو تلك الشجاعه التي جعلته يصرخ علي والده ويقول: لم اكذب، ولم اعد ذلك الطفل الذي يعاقب، قُلت لكَ انني لم اعد ارغب بالزواج منها الا تفهمني.

ادرك ان صوته عاليٍ ليضع يده اعلي فمه علامه منه علي انه لن يقصد ذلك، ولاكن كانت رده فعل لوسيفير ب*عه لدرجه لا يتخيلها احد فتراجع ولهان للخلف بينما لوسيفير يردد كلماتٍ يعرفها ولهان جيداً وبدأ جسده في التجمد و....

ونكمل الحلقه الجايه من روايه النداهة♥

بقلمي/ ملك احمد( لوكا)