WALANG pakialam si Joebbie kahit pa masira ng husto ang sasakyan ng dalawa. Gigil na gigil pa rin siya sa galit at ayaw niyang magpapigil. Nilubos-lubos niya na ang kanyang galit dahil minsan lang din naman siya kung magalit. Mahigpit ang pagkakahawak niya sa dos por dos at salitan niyang binabasag ang dalawang sasakyan. Maging ang mga salamin ay hindi niya pinatawad. Ang mga kapitbahay ay nakatingin na sa kanya at walang gustong umawat.
“Hayop kayo!” paulit-ulit niyang sigaw. “Ang bababoy ninyo!” sigaw niya pa. Wala siyang pakialam kahit pa nagtatalsikan ang bubog ng salamin.
Napansin niyang papalapit si Charlie. May suot na itong pang-itaas. Ang hayop niyang asawa na higit pang prinoprotektahan ang kabit kaysa sa kanya.
“Tumigil ka na!” sigaw sa kanya ni Charlie. Nakakuyom na ang kama
