“BALIW!” galit na galit na bulalas ni Mandy habang binibuksan niya ang kanyang handcarry bag. Lahat pa naman ng kanyang gamit na importante ay nakalagay sa bag na yun. Ang masakit pati ang laptop niya at ipad ay naroon at ito siya ngayon pilit na binubuksan ang laptop niya na lumalangoy sa tubig. Wala pa naman siyang kopya ng kanyang mga files na lalo niyang ikinagigil.
Kutang-kuta na talaga sa kanya ang Joebbie na yun at kung akala nito na aatras siya ay nagkakamali ito dahil sa kanya ang huling halakhak. Hindi siya makakapayag na hindi sila magtagumpay ni Charlie. Isa na rin lang naman ang problema nila----yun ay ang mga bata pero saka niya na yun iisipin kapag wala na sa buhay nila si Joebbie. Kating-kati siyang gumanti rito.
Binalik niya sa kanyang bag ang mga gamit na basang-basa. W
