“TIME OF DEATH, 8:10pm,” wika ng doctor. Nanginig na lamang ang katawan ni James dahil sa narinig. Niyakap niya na lamang ang inang natulala dahil sa bilis ng pangyayari. Dead on arrival nang madala nila ang ama sa ospital. Cardiac arrest ang ang cause of death na sinabi sa kanila ng doctor. Hindi nito nakayanan ang mga narinig lalo na at mahal na mahal nito ang kapatid.
Ang palahaw ng kanyang ina ay umalingawngaw sa emergency room. Napakuyom na lamang siya sa kanyang kamao. Wala man lang siyang nagawa para sa kanyang ama. Hindi niya man lang ito nailigtas. Pakiramdam niya ay nadudurog ang kanyang puso dahil sa nangyari. Yakap-yakap pa rin ng kanyang ina ang wala ng buhay niyang ama.
Napasulyap siya kay Charlie. Tahimik lang ito sa isang tabi. Hindi niya mapigilang hindi ito ang sisihin
