MALAKING EVENT ang dadaluhan ni Mandy kung kaya naman todo ang kanyang paghahanda. Todo rin ang kanyang pagdadiet para mapaghandaan ang fashion show na kanyang dadaluhan. Kulang na lang din ay magbabad siya sa mga beauty clinic upang masiguro na maganda at makinis ang kanyang balat. Ang mukha niya naman ay nilagyan lang ng makapal na foundation upang matakpan ang mga kalmot niya. Wala na kasing oras para mapa-laser niya ang kanyang mukha. Mga bridal gown lang naman ang kanyang irarampa sa maraming tao kung kaya excited na siya. Limang model lang sila pero limang bridal gown ang kailangan nilang isuot. Ang alam niya ay mga kilalang tao ang pupunta at naka-live stream.
Nasa dressing room na siya at suot-suot niya na ang unang gown na kanyang i-momodel. Napakaganda no’n pero nakakalula ang
