HINDI na namalayan Joebbie ang pagdating ng kanyang mag-aama. Nakatulog na siya sa sofa dahil sa paghihintay sa mga ito. Mabilis siyang napabalikwas sa kanyang pagkakahiga nang marinig niya na dumating na ang sasakyan ng kanyang asawa. Napatingin siya sa orasan na nakasabit sa dingding, alas otso ng gabi. Dalawang oras din siyang nakatulog. Mabilis na binuksan niya ang pinto upang salubungin ang kanyang pamilya. Nakangiti pa siya na akala mo ay walang nangyari. Unang bumaba si Isabel ng sasakyan. Salubong ang mga kilay nito. Humalik lang ito sa kanya at pumasok na ng bahay. Hindi man siya nito kinibo. Sumunod naman na bumaba si Charlie. Umikot ito ng sasakyan at kinuha si Red na tulog na tulog sa likuran ng sasakyan.
Nilapitan niya ang asawa at baka may kailangan nito ng tulong.
“Bakit n
