ARAW ng pagtatapos ni Kathleen sa training. Masaya siya dahil lahat ng itinuro sa kanya ay nakaya niyang pagtagumpayan.
At nais niyang pasalamatan ang lahat ng tumulong sa kanya. Ngunit kanina pa siya palinga linga ay hindi niya makita si Reegan.
Hindi makatiis ay nilapitan ang isa sa mga kaibigan ng binata.
“Wala din akong alam, Ms. Kathleen, kagabi kausap pa namin siya sa group chat. Kaya kahit kami ay nagtataka bakit hanggang ngayon ay wala siya dito.” sagot ng seryosong si Mr. Raiden San Diego.
Sa puntong yon ay kinabahan siyang bigla.
“Aalis muna ako.” mabilis niyang paalam sa lahat bago tumakbo palabas ng building.
Sumakay si Kathleen ng kanyang Hummer at pinasibad yon palayo.
Binaybay niya ang daan patungo sa bahay niya. Pero hindi siya sa main gate dumaan kundi sa likuran.
