NAGPASYA si Kathleen na puntahan si Reegan, nagmamadali siyang lumabas ng silid ngunit nakasalubong niya ito.
“Saan ka pupunta? Naririyan pa si Doktor Norman.”
“Ahm… punta s-sana ako sa kitchen.” ang lumabas na salita sa bibig ni Kathleen. Sa tingin naman niya ay maayos lang ang kalagayan ni Reegan.
“Mamaya na lang dahil hindi rin magtatagal si Dr. Norman dito at aalis din. Mas mabuti na yung nag-iingat ka na hindi makita ng ibang tao.” ani pa ni Reegan kay Kathleen at agad na pumihit ito pabalik sa loob.
Sumunod si Reegan dito pagkatapos ay sinara ang pinto.
“Kumusta ang training mo habang wala kami?”
“Ayos lang, marami akong natutunan sa kanila.”
“Ahm… kumusta na ang a-anak natin.?” hindi sumagot si Kathleen, pagkatapos ay mabilis na tumalikod. Kaya naman ay hindi na siya muling
