CHAPTER 18.
“Eldrin! Anong ginagawa mo rito! Di ba pinagbawalan na kitang pumunta rito at bisitahin ang taong ‘yan!” singhal niya nang makalapit siya sa kanyang anak.
“Pa! Please!”
“Anong please! Mabuti na lang naitawag agad sa akin na nandito ka. Mabuti malapit lang ang City Hall dito. Tumayo ka na diyan at umalis na tayo rito!” Nakita ko kung paano hinawakan ng Mayor ang bisig ni Eldrin ngunit nagmatigas si Eldrin na tanggalin ang nakahawak sa kanyang kamay ng Papa niya.
“Sandali lang, Pa! Nandito ako para tapusin ang lahat ng koneksiyon ko sa kanya! Kahit ngayon lang Pa! Pagbigyan ninyo ako kahit sandali lang at pangako, susunod ako sa lahat ng gusto ninyong ipagawa sa akin. Gusto ko lang malinawan ang gumugulo sa isip ko.”
“Sigurado ka?”
“Opo Pa.”
