FLYNN'S POV
Halos mapuno na ang gymnasium pagdating namin. Kahit halo halong tao, at alam kong karamihan naman sa kanila ay hindi ako kilala, feeling ko nakatutok sa'ken lahat ng mga mata. Parang gusto kong magtago sa likod ni Elisha. Bigla kasing bumalik saken ang kahihiyang inabot ko dito noon. Kung paano ako sinisi at nilayuan ng halos buong GWU.
"Relax ka lang, okay? Hindi ka nila kakainin." Pabulong na biro ni Elisha, saka hinigpitan ang pagkakahawak sa kamay ko. "'Di ba sabi ko sa'yo noon, ipakita mo sa kanila na inosente ka, na wala kang ginawang mali. And by that, mahihiya silang husgahan ka."
Lumakas ulit ang loob ko dahil sa sinabi ng girlfriend ko. Huminga ako ng malalim, saka nagpatuloy sa paglalakad habang ka-holding hands ang mahal ko.
