Chapter 35
Alexander
Nasa hotel ako nang tumawag si Daddy. Isinugod daw niya si Lola sa Hospital dito sa Las Palmas dahil masakit raw ang dibdib nito at hindi na nga ito kumakain simula nang sabihin nila na hindi si Bianca ang naging asawa ko.
Ito ang ayaw ko na malaman ni Lola ang katotohanan dahil alam ko na malulungkot siya para sa amin ni Bianca. Hindi raw ma-contact ni Daddy si Mommy. Marahil kasalukuyang nasa byahe sila nang tumawag si Daddy. Kung wala lang sana akong business trip gusto ko sana sumama sa Hacienda.
Kasalukuyan nasa hospital ako ngayon. Naantala ang pag-alis ko at kailangan kong ipagpaliban ang business trip ko dahil kay Lola. Ang assistant ko na lang ang pinadalo ko bilang presensya ko. Nakahiga naman si Lola at hindi ako kinakausap nito simula nang dumating ako
