Chapter 28
Eunice
Nakahiga ako sa kama ni Alexander, habang pinagmamasdan ko siya na inaayos ang mga gamit niya sa walk in closet. Ayaw niya akong palabasin dahil gusto niyang maamoy ako sa silid niyang ito. Parang siya yata itong naglilihi sa aming dalawa.
Hindi rin ako makatulog dahil nagugulat ako sa lagabog ng cabinet. Hindi pa nga siya nangalahati sa nililigpit niya tapos panay pa ang reklamo niya.
“Hayss! Ang iba kasi riyan malakas ang tupak sa ulo. Nananahimik ang mga gamit ko sa cabinet, pinagtatapon,’’ panay parinig niya sa akin.
Bumangon na lamang ako upang tulungan siya. Isa-isa kong pinulot ang mga sapatos niya sa sahig.
“Akala ko ba matutulog ka?’’ tanong niya sa akin nang bitbit ko ang ilang sapatos niya upang ilagay ito sa lalagyan.
“Paano ako makatulog panay ang rekl
