Agad na nilingon ni Sanaya ang anak na si Mark. Nasa mata nito ang pagtatanong kung ano ang ginagawa ng Tito Marcus nito. "Marcus,” usal niya.
Nabigla talaga si Sanaya sa ginawang iyon ni Marcus. Hindi tuloy malaman ang gagawin.
Napansin ni Marcus ang pag-aalinlangan sa mukha ni Sanaya kaya bumaling siya sa anak nila. "Markus,” turan sa buong pangalan ng anak nila. "Mark, ‘di ba ngayon mo makikilala ang daddy mo?” tanong rito. Tumango tango ang bata. "Ako ang daddy mo. Kaya tayo magkapangalan,” saad dito at doon ay nanlaki ang bata ng paslit. Saka mabilis na yumakap sa kaniya habang nakaluhod pa rin siya.
"Mommy, siya ang Daddy ko. Sabi ko na nga ba? Tutuparin ni Papa God ang dalangin ko,” masayang turan ng anak niya. Doon ay hindi na napigilan ni Sanaya na umiyak. Hindi niya inaasahan
