8:20 Am, the First day before the bombing.
Nanginginig ang mga kamay habang tinatakpan nila Elli ang mga bintana nila. Inabutan niya rin sila ng mga damit si Edison at Kim para takpan ang harapan nila. Tinted ang salamin ng sasakyan ngunit kailangan nilang makasiguro.
“Walang mag-iingay,” mariing sabi ni Edison.
Hinigit ni Elli si Tj payakap sa kanya para hindi nito makita ang nasa labas. Ganoon din ang ginawa ni Linda kay Selena.
“What’s wrong ate?” pabulong na tanong ni Tj.
“Don’t talk, Tj. Don’t look outside.”
Hinigpitan ni Elli ang yakap kay Tj at pinatungo ito. Halos mahigit niya ang kanyang paghinga nang makita niyang papalapit na ang mga zombie sa kanila. Lalo niyang kinabig sa kanyang katawan si Tj. Naging triple na ang pagtibok ng kanyang puso dahil sa kanyang kaba.
Na
