Matapos kuhain sila Elli palayo sa kanilang mga kasama ay nagplano ang mga ito kung papaano sila maililigtas at makatatakas sa lugar na ito. Ilang beses nilang sinubukan na makawala mula sa silid ngunit nabigo sila. Hanggang sa huling beses, mayroong pumasok sa loob na dalawang lalaking nakaitim. Inabangan na nila ito at nagtago sa likod ng pinto. Noong makapasok ang mga ito sa loob ay agad nila itong inambaan at pinagtulong-tulungan.
Noong magawa nilang paslangin ang dalawang lalaki ay lumabas na sila ng silid. Naghanap sila ng mga silid kung saan sila makakakita ng mga armas. At hindi naman sila nabigo dahil sa katabing silid lamang nila ay mayroon mga armas. Kumuha sila tig-iisa at hinanap naman ang mga bata. Limang silid ang kanilang sinilip bago nila makita kung nasaan sila Elli. Nan
