10:00 AM, First day before the bombing
Tulala lamang si Mikoy habang nakatanaw sa labas ng kotse. Hanggang ngayon ay hindi pa rin siya makapaniwala sa nangyari. Lubhang naging napaka bilis para sa kanya ang lahat. Kanina lamang ay masaya pa siyang kasama ang kanyang Lolo, ngayon ay wala na ito.
Panay naman ang lingon ni Elli mula sa rearview mirror. Hindi niya maiwasang makaramdam ng awa rito. Alam na alam niya ang pakiramdam na mayroon ngayon si Mikoy. Napabuntong hininga na lamang siya at tinanaw ang kabahayan na kanilang nadadaanan.
“Nakakakilabot yung itsura ng aso kanina,” basag ni Nico sa katahimikan. Siya na ngayon ang nagmamaneho ng sasakyan dahil si Edison na ang nasa truck.
“Kaya nga.” Bumuntong hininga si Mang Rene. “Mga taong zombie parang kaya ko pang harapin dahil t
