“Get up! You have to –” Nanlaki ang mga mata ni Elli nang mayroong lalaking zombie na putol ang kamay at butas ang dibdib na nakahanda nang talunin sila. Hindi niya alam kung bakit pero awtomatiko siyang napayakap kay Malcolm para takpan ito. Ngunit imbes na maramdaman niya ang matatalas nitong mga ngipin ay malakas na putok ng baril ang kanyang narinig. Nang muli niyang inangat ang kanyang paningin ay nakahandusay na ang zombie.
“Bata! Tayo!” sigaw ni Jose. Humahangos itong lumapit kila Elli. Marahas niyang kinarga si Malcolm at kinarga na para bang sako. “Takbo bilis!” Hinawakan niya rin sa braso si Elli at tinulak patakbo pabalik sa kabilang kalsada.
Mabilis namang kumilos si Elli kahit hinihingal pa siya dahil sa gulat na kanina. Pagtingin niya sa mga kasama niya ay wala na ang mga
