Chapter 8
NAPABALIKWAS ng bangon si Joe mula sa kaniyang pagkakatulog sa kaniyang malamig na kuwarto sa bahay na kaniyang ipinatayo di-kalayuan sa mansiyon ni Lola Senyang. Bigla na lang siyang nagising sa hindi niya malamang dahilan. Mahal niya ang lugar ng Matina at lalong higit niyang mahal ang kaniyang lola at ang lahat ng bagay na bumubuo sa buhay niya sa napakatahimik na lugar na iyon. Pero ang hindi niya ma-take ay ang bahay ng lola niya na aakalaing isang museum sa sobrang dami ng antiques at priceless objects na nakadisplay doon.
Dahil remote ang lugar na iyon nang itayo ang malaking bahay noong panahon ng mga Kastila, hindi iyon nasira noong panahon ng giyera. May mga artifacts doon na mahigit three hundred years old na. Ang mga muwebles ay mula circa eighteen hundreds
