Balak ko pa sanang sumugod dito, ngunit mahigpit akong hinawakan ng dalawang pulis na katabi ko. At pagkatapos ay agad na akong ipinasok sa loob ng sasakyan. Nakita ko pang nag-usap ang isang pulis na babae at si Zach mangkukulam.
Mayamaya pa'y agad na silang nagsipasok dito sa loob at pinatakbo ang sasakyan.
"Miss, Montes, kung ako sa 'yo. Makipag-usap ka na lang ng maayos kay Mr. Fuentebella. Alam naman natin na kilalang tao siya," anas ng pulis na kausap ni Zach kanina.
"Ang sabihin ninyo, mayabang lang ang lalaking iyon. Ginagamit niya ang kanyang salapi laban sa akin na walang laban sa kanya. Eh, wala naman akong ninakaw sa kanya!" bulalas ko.
"Miss, Montes, may nakuha pong ebidensya na nasa bag ninyo ang gamit ni Mr. Fuentebella. Lalo at may cctv camera sa kwarto nito," pagbibiga
