Kuyom ang mga kamao ko habang nakatingin sa lalaking sarap na sarap kumain at talagang pinapatakam pa ako. Kaya ang labas ay takam na takam na rin akong kumain.
Bigla akong napangisi nang palihim ng mayroon pumasok sa aking utak na kabaliwan. Sure akong magagalit ito sa akin oras na banggitin ko iyon. Gusto ko tuloy gumalpak ng tawa. Tumikhim muna ako.
"Boss Zach, may agala ka bang aso?" tanong ko pa rito.
"No! Dahil ayaw ko sa aso!" masungit na sabi nito sa akin.
"Pero. . . may nakita akong aso kanina sa harden ninyo, ah," anas ko pa at seryoso ang pagkakasabi.
Biglang itong napahinto sa pagaubo, sabay tingin sa akin habang nakakunot ang noo. Parang 'di ito naniniwala sa aking mga sinabi. Pero wala akong pakialam kung 'di ito maniwala, basta magawa ko lang ang plano ko para sa ulupo
