Nagising akong mayroon bumatong tela sa aking mukha. Hindi naman ako nasaktan. Bagkus ay nagulat lamang ako. Kaya naman dahan-dahan kong iminulat ang aking mga mata para alalim kung sino ang may kagagawan noon. At ang tumambad sa akin ay si Zach. Busangot ang mukha nito habang nakatingin sa akin.
"May balak ka bang ipaghanda ako ng makakain ko? Papatayin mo ba ako sa gutom, Montes?!" asar na tanong nito sa akin.
Nagkamot muna ako sa aking ulo. Pagkatapos ay inaantok na tumingin ako sa lalaking hindi maipinta ang mukha.
"Ano'ng oras na po ba, boss? Parang aga pa naman. Inaantok pa ako, puwede bang tiisin mo muna ang iyong pagkagutom," anas ko habang papilit muli ang aking mga mata. Tanda na antok na antok pa ako.
"Huwag mong hintayin na buhusan pa kita ng tubig diyan, Montes!"galit na s
