Nagtatalo ang puso't isip ko kung gagawin ko ba iyong gusto ni Qino. Kapag lumakad ako patungo sa kanya, siguradong titingin silang lahat sa akin. Makukuha ko ang atensyon nila at ayokong mangyari iyon.
Pero wala naman sigurong masama kung tatabi nga ako sa kanya, 'di ba? Kahit na katabi niya si Irah ngayon? Hindi naman siguro sila mag-iisip ng hindi maganda dahil lang sa tumabi ako sa kanya.
Lihim akong humugot ng isang malalim na hininga saka inihanda ang sarili. Ilang beses pa akong lumunok bago tuluyang humakbang. Hindi ko pinansin si Matteo na mukhang gustong itanong kung saan ako pupunta.
Diretso lang ang tingin ko kay Qino na nakikipag-kwentuhan ngunit nang mapansin ako ay sa akin natuon ang buong atensyon niya. Naglaro ang isang ngiti sa mga labi nito saka pa sandaling yumuko, a
