Tulad ng naging alok ni Jack ay binanggit ni Randall kay Fiona ang pagnanais ng pamilya ng kanyang pinsan na mananghalian sila sa bahay ng mga ito. Nagpaunlak ang dalaga at nakita niya pa ang kasiyahan sa mukha nito nang sabihin niya ang tungkol sa bagay na iyon.
Nang sumunod na araw nga, alas-dies pa lang ng umaga ay pumunta na sila sa bahay nina Jack. Dahil sa hindi naman iyon malayo mula sa kanilang tinitirhan ay ilang minutong lakaran lamang ang ginawa nilang dalawa.
Pagdating roon ay abala na ang asawa ni Jack na si Marinel sa paghahanda ng kanilang tanghalian. Menudo, inihaw na bangus at pakbet ang mga ulam na pinaghandaan ng mag-asawa. Mayroon ding gulaman na ginawa si Marinel.
Kagabi niya pa nabanggit kay Fiona ang tungkol sa paanyaya ni Jack sa kanya at nang pumayag ang dalaga
