Malamig ang simoy ng hangin kahit tanghaling-tapat. Ang ganda ng kapaligiran. Samu't-saring bulaklak ang nadadaanan ko habang naglalakad ako. May ilan na mga ibon na tila sinusundan pa ako. Para bang nakikipag-laro sila sa akin. Naglalakad ako ngayon paakyat sa isang bundok. Nakapagtataka lang dahil hindi manlang ako nakakaramdam ng pagod. Kakaiba nga e, dahil kahit pawis ay wala manlang ako sa katawan ko. Mag isa lang ako at hindi ko alam kung saan ako patungo. Hindi ko rin alam kung bakit napadpad ako rito.
Sa 'di kalayuan ay nakatanaw ako ng dalawang kakaibang malaking puno. Sa lahat ng puno rito ay 'yun lang ang dalawang kakaiba na nagpakilig sa aking mga mata. Hindi ko maipaliwanag, basta pakiramdam ko ay may konektado sa akin ang mga puno na'yon. Parang hinihila ang mga paa ko patun
