"Sumama ka sa akin mamaya."
"Ha? Saan?" kunot-noo kong tanong kay Charles habang naririto pa rin kami sa mall at kumakain dito sa food court.
Kanina ay doon niya ako hinila sa mamahalin na restaurant pero kaagad akong tumanggi dahil bukod sa hindi ako nababagay doon ay hindi ko rin kilala ang mga pagkain nilang mga nasa larawan.
"I'll come home later because my family is still there. They are on vacation for a week," aniya habang nagsasawsaw ng tokwa sa toyo at isinubo sa kanyang bibig.
"Eh, hindi ako p'wede mamaya. Kailangan kong makauwi agad dahil hahanapin ako ni Tatay," sagot ko naman habang kumakain ng pansit.
"Eh, 'di ipagpapaalam kita sa tatay mo." Natigilan ako sa pagnguya nang punasan niya ang gilid ng labi ko gamit lang ang kanyang daliri.
Nang mailayo niya ang kanyang kama
